پاکستان
22 اکتوبر ، 2021

کراچی، بیٹے نے معمولی جھگڑے پر باپ کو تشدد کا نشانہ بناکر قتل کر ڈالا

کراچی کے علاقے گلشن اقبال میں بیٹے نے معمولی جھگڑے پر باپ کو تشدد کا نشانہ بناکر قتل کرڈالا جبکہ بیٹے کے تشدد سے ماں بھی زخمی ہوگئی۔

پولیس کے مطابق ملزم داؤد نشے کا عادی تھا اور بحالی سینٹر میں زیر علاج تھا جہاں سے چند روز قبل ہی گھر آیا تھا۔

حکام نے بتایا کہ معمولی گھریلو جھگڑے کے بعد ملزم نے باپ کے سر پر لوہے کی وزنی راڈ سے حملہ کیا جس کے باعث والد موقع پر ہی جاں بحق ہوگیا۔

حکام کے مطابق ملزم نے والدہ کو بھی تشدد کا نشانہ بناکر زخمی کیا اور فرار ہوگیا۔

پولیس کے مطابق جاں بحق شخص کی شناخت 70سالہ سلیم کے نام سے ہوئی اور آلہ قتل برآمد کر لیا ہے۔

حکام نے بتایا کہ واقعے کا مقدمہ درج کر کے ملزم کی گرفتاری کیلئے چھاپے مارے جارہے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM