31 اکتوبر ، 2021 
حکومتی وفد کی علما ءکیساتھ مشترکہ پریس کانفرنس کیوں مؤخر ہوئی؟ اندرونی کہانی سامنے آ گئی
31 اکتوبر ، 2021
اسلام آباد: حکومتی وفد کی علماء کے ہمراہ مشترکہ پریس کانفرنس مؤخر ہونے کی اندرونی کہانی سامنے آ گئی ہے۔
حکومتی وفد کے علماء کے وفد کے ساتھ ہونے والے مذاکرات کے حوالے سے فریقین کو مشترکہ پریس کانفرنس کرنا تھی جس میں حکومت اور کالعدم تنظیم کے درمیان طے پانے والے معاملات پر بریفنگ دی جانی تھی۔
حکومتی ذرائع کا بتانا تھا کہ کچھ علماء کے نہ پہنچنے کی وجہ سے پریس کانفرنس مؤخر کر دی گئی، مذاکرات کرنے والے علماء کے پہنچتے ہی پریس کانفرنس کی جائے گی۔
پریس کانفرنس نہ ہونے کی اندرونی کہانی
ذرائع کا بتانا ہے کہ کالعدم تنظیم پریس کانفرنس میں اپنی شوریٰ کے ارکان کی نمائندگی چاہتی ہے، حکومتی ارکان جس گروپ کے ساتھ پریس کانفرنس چاہ رہے تھے وہ کالعدم تنظیم کو قبول نہیں جس کے باعث پریس کانفرنس مؤخر کرنا پڑی۔
ذرائع کا کہنا ہے کہ حکومتی وفد اور مفتی منیب الرحمان کی پریس کانفرنس کا وقت اب تبدیل کر دیا گیا ہے اور پریس کانفرنس سوا 3 بجے ہو گی۔
شاہ محمود قریشی، اسد قیصر، علی محمد خان اور مفتی منیب الرحمان مشترکہ پریس کانفرنس میں مذاکرات کے حوالے سے بتائیں گے۔
