05 نومبر ، 2021 
پاکستان
وفاقی حکومت نے گزشتہ رات ہی پیٹرول کی قیمت میں 8 روپے سے زائد کا اضافہ کیا ہے۔ فوٹو: فائل
رواں مالی سال اب تک پیٹرول کی قیمت میں کتنا اضافہ ہوا؟
05 نومبر ، 2021
رواں مالی سال پاکستان میں اب تک پیٹرول کی قیمت میں 35 روپے سے زائد کا اضافہ ہو چکا ہے۔
حکومتی دستاویزات کے مطابق مالی سال 2021-22 میں اب تک پیٹرول 35 روپے 13 پیسے فی لیٹر مہنگا ہو چکا ہے۔
یکم جولائی سے اب تک ڈیزل 30 روپے 7 پیسے فی لیٹر مہنگا ہوا جبکہ مٹی کا تیل 34 روپے 64 پیسے مہنگا ہو چکا ہے۔
دستاویزات کے مطابق یکم جولائی سے اب تک لائٹ ڈیزل آئل 34 روپے 36 پیسے مہنگا ہو چکا۔
یاد رہے کہ وزیراعظم عمران خان نے دو روز قبل قوم سے خطاب میں کہا تھا کہ پیٹرول کی قیمت مزید بڑھانی پڑے گی اور رات گئے پیٹرول کی قیمت میں 8 روپے سے زائد کا اضافہ کر دیا گیا ہے۔
