مدرسے جانے والے 11 سالہ بچے کی لاش کھیت سے برآمد
14 نومبر ، 2021
قصور کے نواحی گاؤں میں 11 سالہ لڑکے کی کھیت سے لاش ملی ہے۔
پولیس کے مطابق 11 سالہ علی حسن گزشتہ روز دوپہر کے وقت پڑھنے کے لیے مدرسے گیا تھا لیکن واپس نہ آیا، گھر واپس نہ آنے پر لواحقین نے تلاش کیا تو کماد کے کھیت سے اس کی لاش ملی۔
پولیس کا کہنا ہے کہ لڑکے کی لاش پوسٹ مارٹم کے لیے ڈسٹرکٹ اسپتال منتقل کر دی گئی ہے، پوسٹ مارٹم رپورٹ سامنے آنے کے بعد لواحقین کی درخواست پر مقدمہ درج کیا جائے گا۔
دوسری جانب پولیس نے خدشہ ظاہر کیا ہے کہ لڑکے کو زیادتی کے بعد گلا دبا کر قتل کیا گیا۔
