16 نومبر ، 2021 
پاکستان
اسپیکر قومی اسمبلی سے متحدہ اپوزیشن کے وفد کی ملاقات، مشترکہ اجلاس بلانے پر شکوے
16 نومبر ، 2021
قومی اسمبلی کے اسپیکر اسدقیصر سے متحدہ اپوزیشن کے وفد نے ملاقات کی ہے۔
متحدہ اپوزیشن کے وفد میں رانا ثنااللہ، خورشید شاہ اور شیری رحمان اور سمیت دیگر شامل تھے۔
اپوزیشن ارکان نے مؤقف اختیار کیا کہ آپ نے اپوزیشن کو ای وی ایم اور دیگر متنازع قانون سازی پرمذاکرات کی دعوت دی، اپوزیشن نے آپ کے خط پر مشاورت پر رضامندی ظاہر کی لیکن اب حکومت مشترکہ اجلاس بلا رہی ہے۔
اپوزیشن ارکان نے اسپیکر اسد قیصرسے سوال کیا کہ اب بتائیں توہین کس کی ہوئی؟
اس پر اسد قیصر کا کہنا تھاکہ میں وزرا کو بلاکر ابھی بات کرتا ہوں، اتفاق رائے سے قانون سازی ہوتی تو بہتر تھا۔
خیال رہے کہ حکومت نے قانون سازی کیلئے کل پارلیمنٹ کا مشترکہ اجلاس بلا لیا ہے۔
