27 نومبر ، 2021
بھارتی حکومت کا جعلی خبروں کا پروپیگنڈا ایک بار پھرناکام ہو گیا۔
بھارت حکومت کے رہنماؤں نے سوشل میڈیا پر چین اور جنوبی افریقا کے انٹرنیشنل ائیرپورٹس کی تصاویر شیئر کیں اور اسے اپنے انفراسٹرکچر کی کامیابوں کے ثبوت کے طور پر پیش کیا۔
چینی میڈیا کے نمائندے نے بھارتیہ جنتا پارٹی (بی جے پی) کے رہنماؤں اور وزرا کا جھوٹ بے نقاب کردیا۔
چینی میڈیا کے نمائندے نے بھارتی رہنماؤں کی تمام ٹوئٹس اکھٹی کرکے سوشل میڈیا پر شئیر کردیں اور کہا کہ بھارتی حکومت کے وزرا چین کے ائیرپورٹ کی تصاویر کو اپنے انفراسٹرکچر کی کامیابیوں کے ثبوت کے طور پراستعمال کر رہے ہیں۔