07 دسمبر ، 2021 
لاہور ماڈل ٹاؤن کچہری سے فرار ہونے والے 6 ملزمان گرفتار
07 دسمبر ، 2021
لاہور میں پیر کے روز ماڈل ٹاؤن کچہری سے فرار ہونے والے 6 ملزمان کو گرفتار کر لیا گیا۔
سینیئر سپرٹنڈنٹ آف پولیس (ایس ایس پی) آپریشنز مستنصر فیروز کے مطابق پکڑے گئے ملزموں میں احمد علی، حیدر علی، فیصل، پرویز، جاوید اور احسان شامل ہیں۔
ان کا کہنا تھاکہ ملزموں کو مختلف مقامات پر چھاپے مار کر گرفتار کیا گیا جبکہ فرار ہونے والے باقی 5ملزمان کی گرفتاری کیلئے بھی چھاپے مارے جا رہے ہیں اور یہ تمام ملزمان قتل اور ڈکیتی جیسے مقدمات میں ملوث ہیں۔
خیال رہے کہ ماڈل ٹاؤن کچہری میں 11ملزمان کے فرار کا واقعہ گزشتہ روز پیش آیا تھا، پولیس کے مطابق ملزموں نے بخشی خانے میں جھگڑا شروع کر دیا تھا، ڈیوٹی پر موجود پولیس اہلکار بخشی خانے کا دروازہ کھول کر اندر داخل ہوئے تو یہ تمام ملزم فرار ہو گئے تھے۔
ڈیوٹی پر موجود پولیس اہلکاروں نے کوئی مزاحمت نہیں کی تھی جبکہ واقعےکےبعد ڈی ایس پی کو معطل کر دیا گیا تھا۔
