30 دسمبر ، 2021 
پاکستان
اسلحہ کی نمائش اور فائرنگ کرکے خوف پھیلانے والی 2 خواتین گرفتار
30 دسمبر ، 2021
لاہور پولیس نے 2 خواتین کو گرفتار کر لیا جو اسلحہ کی نمائش کرتے ہوئے ڈانس کرنے اور فائرنگ کرکے محلے میں خوف و ہراس پھیلانے میں ملوث ہیں۔
پولیس نے خواتین کے ساتھی 2 مردوں کو بھی گرفتار کر لیا ہے۔ ہاتھ میں پستول تھامے ڈانس کرنے والی خاتون لاہور کے علاقے مصری شاہ کی رہائشی مہک عرف بلی ہے۔
مہک عرف بلی نے نہ صرف اپنے گھر کی بالکونی سے فائرنگ کی بلکہ فائرنگ اور ڈانس کی ویڈیو سوشل میڈیا پربھی اَپ لوڈ کر دی۔
مہک کی سہیلی ثمینہ پٹھانی بھی فائرنگ کرنے میں پیش پیش رہی، خواتین کے ساتھی محمد علی عرف گولا اور ذیشان بھی فائرنگ کرکےعلاقے میں خوف وہراس پھیلاتے رہے۔
سوشل میڈیا پر ویڈیوز دیکھ کر پولیس حرکت میں آئی اور چاروں کو گرفتار کرکے مقدمہ درج کر لیا۔
