01 جنوری ، 2022 
پاکستان
ہیومن رائٹس کمیشن کا دی نیوز کے صحافیوں پر فرد جرم کے فیصلے پر مایوسی کا اظہار
01 جنوری ، 2022
ہیومن رائٹس کمیشن آف پاکستان نے اسلام آباد ہائیکورٹ کی طرف سے دی نیوز کے صحافیوں پر فرد جرم عائد کرنے کے فیصلے پر مایوسی کا اظہار کیا ہے۔
ہیومن رائٹس کمیشن آف پاکستان کی جانب سے جاری بیان میں عدالت سے فیصلہ کالعدم قرار دینے کی درخواست کی گئی ہے۔
ہیومن رائٹس کمیشن نے کہا ہے کہ پریس کی آزادی کا تحفظ کرنا اور صحافیوں کو ان کی ذمے داریاں ادا کرنے کی آزادی دینا عوامی مفاد میں ہے اس کے لیے ضروری ہے کہ عدلیہ بیرونی دباؤ سے آزاد رہے ۔
واضح رہے کہ عدالت نے گلگت بلتستان کے سابق چیف جج رانا شمیم کے بیان حلفی کیس میں دی نیوز کے صحافیوں پر بھی فرد جرم عائد کرنے کا اعلان کر رکھا ہے۔
