21 جنوری ، 2022 
پاک جاپان سفارتی تعلقات کے 70 سال مکمل ہونے کا جشن، کراچی میں دو اہم تقریبات
21 جنوری ، 2022
پاکستان اور جاپان کے درمیان سفارتی تعلقات کے 70 سال مکمل ہونے پر جشن منایا گیا اس موقع پر کراچی میں قونصل خانہ جاپان اور پاکستان بزنس فورم کے تحت دو اہم تقریبات کا انعقاد کیا گیا۔
اس سلسلے کی پہلی تقریب پاکستان کے ساتھ کام کرنے والی 21 ملٹی نیشنل جاپانی کمپنیوں کی مقامی ہوٹل میں نمائش کا انعقاد تھا۔ اس کا افتتاح مہمان خصوصی قونصل جنرل جاپان توشی کازو ایسومورا اور پاکستان جاپان بزنس نے فورم کت چیئرمین کلیم فاروقی نے کیا۔
اس موقع پر قونصل جنرل نے کہا کہ یہ ہمارے لیے بہت اچھا واقعہ ہے کیونکہ ہم نے پاکستان اور جاپان کے درمیان سفارتی تعلقات کے 70 سال مکمل کر لیے ہیں اور میں واقعی مزید اچھے تعلقات کی امید کرتا ہوں، دونوں ممالک کے درمیان مستقبل کے تعلقات کے لیے پاکستان اور جاپان نے جاپانی امن معاہدے کی توثیق کے صرف دس دن بعد 18 اپریل 1952 کو باقاعدہ سفارتی مشن قائم کیا، اس لیے پاکستان نے جاپان کے ساتھ 1948 سے سفارتی اور تجارتی روابط قائم کیے، پاکستان میں اس وقت 80 سے زائد جاپانی کمپنیاں کام کر رہی ہیں جو 10 ہزار سے زائد گھرانوں کو روزگار فراہم کر رہی ہیں اور سالانہ 60 ارب روپے ٹیکس کے ذریعے سرکاری خزانے کی مدد کر رہی ہیں۔
قونصل جنرل جاپان نے مزید کہا کہ صنعتی شعبے میں جاپان تقریباً تمام معروف جاپانی برانڈز کے ساتھ گاڑیوں کے شعبے میں اپنی موجودگی کے ساتھ سرفہرست ہے، اس سلسلے کی دوسری تقریب مقامی ہوٹل میں عشائیہ تھی جس میں پاکستانی اور جاپانی کاروباری شخصیات نے شرکت تھی۔ اس شاندار ایونٹ کے آرگنائزر خرم جعفرانی تھے۔
