کھیل

لاہور قلندرز کا گالف کلب میں ٹیم ڈنر، کھلاڑیوں نے خوشگوار موڈ میں وقت گزارا

04 فروری ، 2022

جمعرات کو لاہور قلندرز کے کھلاڑیوں کی روٹین میں تبدیلی آئی جب انہیں ڈیفنس میں ایک گالف کلب ، ٹیم ڈنر کے لے لے جایا گیا —فوٹو:لاہور قلندرز

گزشتہ دو ہفتے کے دوران ہوٹل سے اسٹیڈیم اور اسٹیڈیم سے واپس ہوٹل تک محدود لاہور قلندرز کے کھلاڑیوں کے لیے اس وقت روٹین تبدیل ہوئی جب کراچی کے مقامی کلب میں ان کا ٹیم ڈنر منعقد کیا گیا ۔

پاکستان سپر لیگ سیون میں مختلف ٹیموں کے کرکٹرز بائیو سیکیور ببل میں ہیں جس کی وجہ سے ان کی روٹین ٹیم ہوٹل سے اسٹیڈیم اور اسٹیڈیم سے ٹیم ہوٹل تک محدود ہے تاہم جمعرات کو لاہور قلندرز کے کھلاڑیوں کی روٹین میں تبدیلی آئی جب انہیں ڈیفنس میں ایک گالف کلب ، ٹیم ڈنر کے لے لے جایا گیا۔

ڈنر میں کھلاڑیوں نے خوشگوار موڈ میں وقت گزارا اور ریلیکس ہوئے۔ —فوٹو:لاہور قلندرز

رپورٹس کے مطابق ڈنر میں کھلاڑیوں نے خوشگوار موڈ میں وقت گزارا اور ریلیکس ہوئے۔ اس دوران مختلف پلیئرز ایک دوسرے کے ساتھ شرارت بھی کرتے رہے۔

ڈنر کا انتظام پاکستان کرکٹ بورڈ نے ٹیموں کی درخواست پر کیا تھا جس کے لیے مقامی گالف کلب میں بائیو سکیور ماحول بنایا گیا تھا۔

اس ہی دوران فخر زمان اور محمد حفیظ کے درمیان پشاور زلمی کے میچ میں ڈراپ ہونے والے کیچ پر بھی دلچسپ جملوں کا تبادلہ خیال ہوا جسکو پوری ٹیم نے انجوائے کیا ۔

بدھ کو دونوں پلیئرز کے درمیان مکس اپ کی وجہ سے پشاور زلمی کے حیدر علی کا کیچ ڈراپ ہوا تھا۔

اس ڈراپ کیچ پر بات کرتے ہوئے فخر اور حفیظ کے درمیان دلچسپ مکالمہ ہوا، فخر نے حفیظ سے کہا کہ وہ اپنی غلطی تسلیم کرتے ہیں ، پھر قہقہ لگاتے ہوئے کہا کہ حفیظ بھائی آپ نے بالکل کہا تھا کہ ہاں میرا کیچ ہے ، مگر میں نے دل میں بولا تھا کہ مائی ٹرن ،جس پر ٹیم کے تمام ممبران نے قہقہ لگایا ۔

ذرائع کا کہنا ہے کہ پی سی بی نے جمعہ کی صبح بعض کرکٹرز کیلئے گالف کھیلنے کا بھی بدوبست کرایا ہے ۔