05 فروری ، 2022 
قلندرز نے دلچسپ مقابلےکے بعد اسلام آباد یونائیٹڈکو 8 رنز سے شکست دیدی
05 فروری ، 2022
پاکستان سپرلیگ (پی ایس ایل) 7 کے 12ویں میچ میں لاہور قلندرز نے اسلام آباد یونائیٹڈ کو 8 رنز سے ہرا دیا۔
کراچی کے نیشنل اسٹیڈیم میں کھیلےگئے میچ میں اسلام آباد یونائیٹڈ کےکپتان شاداب خان نے ٹاس جیت کر پہلے فیلڈنگ کا فیصلہ کیا،لاہور قلندرز نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 174 رنز بنائے۔
175رنزکے ہدف کے جواب میں اسلام آباد یونائیٹڈ مقررہ 20 اوورز میں 5 وکٹوں کے نقصان پر 166 رنز ہی بناسکی۔
اس سے قبل لاہور قلندرز نے پہلے بیٹنگ کرتے ہوئے 9 وکٹوں کے نقصان پر 174 رنز بنائے تھے،قلندرز کی جانب سے فخر زمان 38، عبداللہ شفیق 44 اور ہیری بروک 37 رنز بنا کر نمایاں رہے۔
اسلام آباد یونائیٹڈ کی جانب سے وقاص مقصود اور شاداب خان نے 4،4 جب کہ مبصر خان نے ایک وکٹ حاصل کی۔
اسلام آباد یونائیٹڈ ہدف کا تعاقب کرنے میں ناکام رہی اور مقررہ 20 اوورز میں 5 وکٹوں کے نقصان پر 166 رنز تک محدود رہی۔
اسلام آباد کےکولن منرو 60 اور شاداب خان 52 رنزبنا کر نمایاں رہے، قلندرز کے زمان خان نے آخری اوور میں آصف علی اور اعظم خان کو کھل کر کھیلنےکا موقع نہیں دیا اور صرف 3 رنز دے کر ایک وکٹ حاصل کی یونائیٹڈ کو 166 رنز پر روک دیا۔
لاہورقلندرز کے حارث رؤف نے 2، راشدخان، زمان خان اور شاہین آفریدی نے ایک ایک وکٹ حاصل کی۔
خیال رہےکہ لاہور قلندرزکی پی ایس ایل سیون میں یہ تیسری فتح ہے، آج کی فتح کے بعد لاہور قلندرز نے 6 پوائنٹس کے ساتھ ٹیبل پر دوسری پوزیشن حاصل کرلی ہے۔
مزید خبریں :
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
میسی کا 14 سال بعد بھارت میں فٹبال میچ کھیلنے کا امکان
20 نومبر ، 2024
