پاکستان
16 فروری ، 2012
16 فروری ، 2012 
دفاعی کمیٹی نے سیکریٹری دفاع اور خارجہ امور کو طلب کرلیا، رضا ربانی
16 فروری ، 2012
کراچی … پیپلزپارٹی کے رہنما رضا ربانی نے کہا ہے کہ پارلیمنٹ کی دفاعی کمیٹی نے نیٹو سپلائی سے متعلق امریکی سفیر کے بیان پر پاکستانی سیکریٹری دفاع اور سیکریٹری خارجہ امور کو طلب کرلیا ہے۔ کراچی میں صوبائی الیکشن کمیشن کے دفتر میں سینیٹ الیکشن کیلئے کاغذات نامزدگی کی جانچ پڑتال کے بعد میڈیا سے گفتگو کرتے ہوئے رضا ربانی کا کہنا تھا کہ سینیٹ کے کاغذات نامزدگی کی منظوری سے جمہوری عمل کا ایک اور قدم پورا ہوا ہے اور یہ بے نظیر بھٹو کا خواب تھا کہ پاکستان میں اقتدار کی پرامن منتقلی ہو۔ ان کا کہنا تھا کہ بیسویں آئینی ترمیم کی منظوری سے الیکشن کمیشن خودمختار ادارہ بن جائے گا۔
