14 فروری ، 2022 
پی ایس ایل: ضابطہ اخلاق کی خلاف ورزی کرنے پر جیسن روئے پر جرمانہ عائد
14 فروری ، 2022
پاکستان سپر لیگ (پی ایس ایل ) میں شامل کوئٹہ گلیڈی ایٹرز کے جارح مزاج اوپنر جیسن روئے پر ضابطہ اخلاق کی خلاف ورزی کرنے پر جرمانہ عائد کردیا گیا۔
پاکستان کرکٹ بورڈ( پی سی بی) کے مطابق گزشتہ روز قذافی اسٹیڈیم لاہور میں کھیلے گئے پی ایس ایل 7 کے 20ویں میچ میں ضابطہ اخلاق کی خلاف ورزی کرنے پر کوئٹہ گلیڈی ایٹرز کے اوپنر جیسن روئے پر میچ فیس کا 5 فیصد جرمانہ عائد کردیا گیا ہے۔
پی سی بی کی جاری کردہ پریس ریلیز کے مطابق امپائر کی جانب سے وکٹوں کے پیچھے آؤٹ دیے جانے کے فیصلے پر ردعمل ظاہر کرنے پر جیسن رو ئے پی ایس ایل کے ضابطہ اخلاق کی شق 2.21 کی خلاف ورزی کے مرتکب پائے گئے ہیں۔
پی سی بی کے مطابق بیٹر نے اپنی غلطی کا اعتراف کرتے ہوئے میچ ریفری روشن ماہنامہ کی جانب سے عائد جرمانے کو قبول کیا ہے۔
واضح رہے کہ گزشتہ روز لاہور قلندرز کے خلاف میچ میں شاہین شاہ آفریدی نے جیسن روئے کو پہلے اوور میں وکٹوں کے پیچھے کیچ آؤٹ کیا تھا۔
مزید خبریں :
کراچی پریمیئر لیگ ملیر ڈولفنز نے جیت لی
3 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
