22 فروری ، 2022 
حارث رؤف نے کندھے پر مارنا چاہا تھا جسے زور دار تھپڑ بنا دیا گیا: ثمین رانا
22 فروری ، 2022
لاہور قلندرز کے چیف آپریٹنگ آفیسر (سی او او) ثمین رانا کا کہنا ہے کہ قلندرز کا پورا اسکواڈ ایک فیملی کی طرح ہے۔
لاہور میں گفتگو کرتے ہوئے ثمین رانا نے کہا کہ حارث رؤف اور کامران غلام کی ایک دوسرے سے گہری دوستی ہے، حارث غصے میں اپنے دوست کو مارنے کا سوچ بھی نہیں سکتا۔
انہوں نے کہا کہ ان کے آپس کے مذاق میں حارث رؤف نے کندھے پر مارنا چاہا تھا جسے زور دار تھپڑ بنا دیا گیا، حارث رؤف اور کامران غلام کی اس سے پہلے اور بعد کی ویڈیوز بھی دیکھنی چاہییں۔
ثمین رانا کا کہنا تھا کہ لاہور قلندرز کے کھلاڑی متحرک ہیں اور ملتان سلطانز کے خلاف کوالیفائرپرفوکس ہے۔
انہوں نے کہا کہ شکستوں سے سیکھا ہے فیلڈنگ بہتر کرنا ہے اور بیٹنگ میں تسلسل لانا ہے۔
قلندرز کے سی او او نے مزید کہا کہ فل سالٹ اور ڈیوڈ ویسا سے رنز درکار ہیں، حفیظ فارم میں آ گئے ہیں اور فخر مزید رنز کریں گے۔
اس کے علاوہ ان کا کہنا تھا کہ راشد خان ورلڈ کلاس کرکٹر ہیں، ان کی کمی تو کوئی پوری نہیں کر سکتا،کمبی نیشن بنانے کی کوشش کی ہے، آئندہ بھی اچھی پرفارمنس ہو گی۔
انہوں نے لاہور کے کراؤڈ کے حوالے سے کہا کہ میں شکریہ ادا کرتا ہوں، جنہوں قذافی اسٹیڈیم کو فُل کیا اور ساتھ ہی لاہور قلندرز کو سپورٹ کیا۔
مزید خبریں :
کراچی پریمیئر لیگ ملیر ڈولفنز نے جیت لی
4 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
