09 مارچ ، 2022 
کراچی میں لوٹ مار کی وارداتیں تھم نہ سکیں، سی پی ایل سی نے بھی اعداد و شمار جاری کر دیے
09 مارچ ، 2022
کراچی میں لوٹ مار کی وارداتوں کا سلسلہ جاری ہے اور فروری میں لوٹ مار کی وارداتوں کے سی پی ایل سی اعداد و شمار سے ظاہر ہوتا ہے کہ شہر میں جرائم کی تعداد میں کمی واقع نہیں ہوئی۔
فروری 2022 میں بھی جرائم کی تعداد میں خاطر خواہ کمی نہیں آئی اور لوٹ مار، چوری، چھینا جھپٹی کی تفصیل سی پی ایل سی نے جاری کر دی ہے جس کے مطابق فروری میں موبائل فون چھیننے کی 2199 وارداتیں ہوئیں جبکہ جنوری میں یہ تعداد 2499 تھی۔
فروری میں موٹرسائیکل چوری کی 4081 وارداتیں ہوئیں جبکہ جنوری میں موٹرسائیکل چوری کی 3908 وارداتیں رپورٹ ہوئیں۔
گزشتہ ماہ موٹرسائیکل چھیننے کی 405 وارداتیں ہوئیں جبکہ جنوری میں یہ تعداد 419 تھی، فروری میں گاڑیاں چھیننے کی 15 وارداتیں ہوئیں اور گاڑی چوری کی 171 وارداتیں رپورٹ ہوئیں۔
