پارلیمنٹ لاجز پرپولیس آپریشن اور گرفتاریاں، قومی اسمبلی میں تحریک استحاق جمع

پارلیمنٹ لاجز پرپولیس کادھاوا اور گرفتاریاں، متحدہ اپوزیشن نےقومی اسمبلی میں تحریک استحاق جمع کرا دی۔

تحریک استحقاق میں مؤقف اپنایا گیا ہے کہ وزیر داخلہ شیخ رشید احمد، آئی جی اسلام آباد اور اسلام آباد انتظامیہ صورتحال کی ذمہ دار ہے۔ 

’انصار الاسلام‘ کی موجودگی پر پارلیمنٹ لاجز میں پولیس آپریشن، 2 جے یو آئی ارکان اسمبلی گرفتار

پولیس نے 10 افراد کو تھانہ سیکرٹریٹ منتقل کر دیا، گرفتار ہونے والوں میں جے یو آئی کے رکن قومی اسمبلی صلاح الدین ایوبی، جمال الدین اور جے یو آئی اسلام آباد کے ترجمان مفتی عبداللہ بھی شامل ہیں

متحدہ اپوزیشن کی جانب سے پارلیمنٹ لاجز میں آپریشن کے خلاف جمع کروائی گئی تحریک استحقاق میں کہا گیا ہے کہ پارلیمنٹ لاجز میں پولیس کی بھاری نفری نے دراندازی کی، ارکان قومی اسمبلی کو گرفتار کیا گیا، مارا گیا، دروازے توڑے گئے۔

تحریک استحقاق میں کہا گیا ہے کہ وزیر داخلہ شیخ رشید احمد، آئی جی اسلام آباد اور اسلام آباد انتظامیہ صورتحال کی ذمہ دار ہے۔

تحریک استحقاق میں کہا گیا ہے کہ ایوان اور ارکان اسمبلی کا تقدس پامال کرنے پر ذمہ داران سے جواب طلبی کی جائے۔