03 اپریل ، 2022 
نواز شریف عیدالفطر کے بعد پاکستان پہنچ جائیں گے
03 اپریل ، 2022
اسلام آباد: لندن میں موجود میاں نواز شریف کے قریبی ذرائع نے بتایا ہے کہ سابق وزیراعظم عیدالفطر کے بعد پاکستان پہنچ جائیں گے۔
ذرائع کا بتانا ہے کہ نواز شریف رمضان المبارک کے آخری 10 دن مدینہ منورہ میں گزاریں گے اور وہ اپریل کے تیسرے ہفتے میں سعودی عرب جائیں گے۔
ذرائع کے مطابق نواز شریف اپنے ڈاکٹر سے مشاورت کرکے سفر کے بارے میں ہدایت لیں گے، نواز شریف جلد وطن واپس آنا چاہتے ہیں مگر وہ مناسب صورتحال کا انتظار کررہے ہیں۔
ذرائع نے بتایا ہے کہ نواز شریف لاہور کے بجائے اسلام آباد یا پشاور میں لینڈ کریں گے جہاں سے انہیں ایک بڑے جلوس میں لاہور لایا جائے گا۔
خیال رہے کہ نواز شریف نومبر 2019 میں پاکستان سے لندن گئے تھے۔
نوٹ: یہ خبر 3اپریل 2022 کے روزنامہ جنگ میں شائع ہوئی
