14 اپریل ، 2022 
پاکستان
کراچی میں جمعے اور ہفتے کو بھی موسم گرم تر اور مرطوب رہ سکتا ہے، کل پارہ 36 سے 38 جبکہ ہفتے کو 35 سے 37 ڈگری سینٹی گریڈ تک جا سکتا ہے—فوٹو: فائل
اگلے دو دن گرمی کی موجودہ لہر برقرار رہے گی، محکمہ موسمیات
14 اپریل ، 2022
کراچی: محکمہ موسمیات نے آئندہ دو روز بھی گرمی کی موجودہ لہر جاری رہنے کی وارننگ جاری کردی۔
محکمہ موسمیات کے مطابق آج زیادہ سے زیادہ درجہ حرارت 36.9 ڈگری سینٹی گریڈ ریکارڈ کیا گیا۔
کراچی میں جمعے اور ہفتے کو بھی موسم گرم تر اور مرطوب رہ سکتا ہے، کل پارہ 36 سے 38 جبکہ ہفتے کو 35 سے 37 ڈگری سینٹی گریڈ تک جا سکتا ہے۔
محکمہ موسمیات کے مطابق ہواؤں کے رخ میں تبدیلی سے گرمی کی شدت زیادہ محسوس کی جائیگی، دن کے بیشتر حصے میں مغرب سے زمینی ہوائیں چلیں گی بعد میں جنوب مغرب سے سمندری ہوائیں بھی چل سکتی ہیں۔
