پریانتھا کیس: مجرموں کو سزا دلوانے والے پراسیکیوٹرز کو انعام دینے کی سفارش

لاہور: محکمہ پراسیکیوشن پنجاب نے سری لنکن شہری پریانتھا کمارا قتل کیس کے مجرموں کو سز ا دلوانے والے پراسیکیوٹرز کو انعام دینے کے لیے سمری وزیر اعلیٰ ہاؤس کو بھجوا دی۔

سیکرٹری پراسیکیوشن پنجاب ندیم سرور کی سمری میں3 پراسیکیوٹر ز جنرل عبدالرؤف و ٹو، عصمت اللہ خان اور اصغر علی کو 10،10   لاکھ روپے انعام دینے کی سفارش کی گئی ہے۔

اس کے علاوہ ڈپٹی ڈسٹرکٹ پراسیکیوٹر زاہد سرفراز خان اور اسسٹنٹ ڈسٹرکٹ پبلک پراسیکیوٹر عمر فاروق کو 7،7 لاکھ روپے انعام دینے کی سفارش کی گئی ہے۔

سیکرٹری پراسیکیوشن کا کہنا ہےکہ ان پراسیکیوٹرز کی پذیرائی کی ضرورت ہے تاکہ محنت اور لگن سے کام کرنے والے دیگر پراسیکیوٹرز کا مورال بھی بلند ہو ۔

واقعےکا پس منظر

گذشتہ سال3 دسمبر کو سیالکوٹ میں اسپورٹس گارمنٹ کی فیکٹری کے غیر مسلم سری لنکن منیجر پریانتھا کمارا پر فیکٹری ورکرز نے مذہبی پوسٹر اتارنے کا الزام لگا کر حملہ کردیا تھا۔

اس انسانیت سوز خونی کھیل کو فیکٹری گارڈز روکنے میں ناکام رہے، فیکٹری ورکرز نے منیجر کو اوپر سے نیچے پھینک دیا اور پھر لاش کو گھسیٹ کر فیکٹری سے باہر چوک پر لے گئے، ڈنڈے مارے، لاتیں ماریں اور پھر آگ لگا دی۔

پریانتھا کمارا قتل کیس، انسداد دہشت گردی عدالت نے 89 ملزمان پر فرد جرم عائد کردی

ملزمان نے صحت جرم سے انکار کیا اور کیس کا دفاع کرنے کا فیصلہ کیا

پریانتھا کمارا قتل کیس: 6 مجرموں کو 2 بار سزائے موت، نو کو عمرقیدکی سزا سنادی گئی

سری لنکن شہری پریانتھا کے قتل کیس میں انسداد دہشت گردی عدالت نے 72 مجرمان کو 2 ،2 سال قید کی سزا سنائی ہے