چیف الیکشن کمشنر کیخلاف متنازع تقریر کا اسکرپٹ کمیشن کو موصول

اسلام آباد: پی ٹی آئی چیئرمین عمران خان کے چیف الیکشن کمشنر کے خلاف متنازع بیانات کے معاملے پر پیشرفت ہوئی ہے۔

ذرائع کا  کہنا ہےکہ پاکستان الیکٹرانک میڈیا ریگولیٹری اتھارٹی (پیمرا) نے عمران خان کی تقریر  کا اسکرپٹ الیکشن کمیشن کو فراہم کردیا ہے جو کمیشن کو موصول بھی ہوگیا ہے۔

ذرائع  کے مطابق الیکشن کمیشن نے عمران  خان کی تقریر کا جائزہ لینے کیلئے اجلاس طلب کرلیا ہے جس کے بعد ہی سابق وزیراعظم کو نوٹس جاری کرنے یا نہ کرنے سے متعلق کوئی فیصلہ کیا جائے گا۔

واضح رہےکہ عمران خان نے پشاور جلسے میں چیف الیکشن کمشنر کے خلاف متنازع بیان دیا تھا جس کے بعد الیکشن کمیشن نے ان کے بیانات کا نوٹس لیا تھا۔

الیکشن کمیشن نے عمران خان کے کمیشن مخالف بیانات کا نوٹس لے لیا

الیکشن کمیشن نے سابق وزیراعظم عمران خان کے پشاور میں ہونے والے ورکرز کنونشن کے خطاب کا ریکارڈ پیمرا سے طلب کرلیا ۔

چیف الیکشن کمشنر ن لیگ کا ایجنٹ ہے، استعفیٰ دینا چاہیے، عمران خان

اس کے سارے فیصلے پی ٹی آئی کے خلاف ہوتے ہیں، ہم کہتے ہیں فارن فنڈنگ کیس پر تینوں بڑی جماعتوں کے کیس اکٹھے سنے جائیں، عمران خان کا ورکرز کنونشن سے خطاب