13 مئی ، 2022 
پاکستان
ہیضے کی وبا سے اب تک 4 افراد کا انتقال ہوچکا ہے جب کہ خواتین اور بچوں سمیت ایک ہزار 450 افراد اس وبا سے متاثر ہوئے ہیں/ فائل فوٹو
ڈیرہ بگٹی میں ہیضے کی وبا بے قابو ہوگئی
13 مئی ، 2022
بلوچستان کے ضلع ڈیرہ بگٹی میں ہیضے کی وبا بے قابو ہوگئی جس کے باعث روزانہ 40 سے 50 نئے مریض رپورٹ ہورہے ہیں جب کہ ہیضے سے اب تک 4 افراد کا انتقال ہوچکا ہے۔
ڈیرہ بگٹی کے علاقے پیرکوہ میں ہیضے کی وباء پھوٹنے کے بعد صورتحال مزید گھمبیر ہوگئی ہے۔
محکمہ صحت کی رپورٹ کے مطابق ہیضے کی وبا سے اب تک 4 افراد کا انتقال ہوچکا ہے جب کہ خواتین اور بچوں سمیت ایک ہزار 450 افراد اس وبا سے متاثر ہوئے ہیں، یومیہ 50 کے قریب نئے مریض رپورٹ ہورہے ہیں ۔
ماہرین طب کے مطابق آلودہ اور گندہ پانی پینے سے یہ مرض لاحق ہوتا ہے جب کہ پیرہ کوہ میں پینے کے لیے صاف دستیاب ہی نہیں ، پیر کوہ کے باسی جوہڑوں اور برساتی نالوں میں موجود گندہ اور آلودہ پانی پینے پر مجبور ہیں۔
