12 نومبر ، 2012 
کلارک اور کووان کی شاندار بیٹنگ، آسٹریلیا4 وکٹوں پر487 رنز
12 نومبر ، 2012
برسبین…برسبین ٹیسٹ کے چوتھے روز جنوبی افریقا کے خلاف مائیکل کلارک اور کووان کی شاندار بیٹنگ کے باعث آسٹریلیا نے 4 وکٹوں کے نقصان پر 487 رنز بنالیے۔ مائیکل کلارک 218 اور مائیک ہسی 85 رنز کے ساتھ کریز پر موجود ہیں۔ کھیل کے چوتھے روز آسٹریلیا نے 111 رنز 3 کھلاڑی آؤٹ پر اپنی نامکمل اننگز شروع کی، کپتان مائیکل کلارک اور کووان نے شاندار بیٹنگ کا مظاہرہ کرتے ہوئے اپنی سنچریاں مکمل کیں اور چوتھی وکٹ کی شراکت میں شاندار 259 رنز بنائے۔ ٹیسٹ کرکٹ میں کووان کی یہ پہلی سنچری ہے۔ 299 کے مجموعی اسکور پر کووان 136 رنز کے انفرادی اسکور پر رن آؤٹ ہوگئے۔ جنوبی افریقا کی ٹیم پہلی اننگز میں 450 رنز بناکر آؤٹ ہوگئی تھی، جنوبی افریقا کا اسکور برابر کرنے کیلئے آسٹریلیا کو 37 رنز کی ضرورت ہے جبکہ اس کی 6 وکٹیں باقی ہیں۔
