30 مئی ، 2022 
مصری شاہ میں پتنگ کی ڈور نے 18سالہ نوجوان کی سانسوں کی ڈور کاٹ دی
30 مئی ، 2022
لاہورمیں پتنگ بازی رُک سکی نہ ہی پتنگوں کی ڈور سےہلاکتوں کا سلسلہ رُک سکا، مصری شاہ میں ڈور نے 18سالہ نوجوان کی سانسوں کی ڈور کاٹ دی۔
وزیر اعلیٰ پنجاب شہباز شریف نے سی سی پی او لاہور سے رپورٹ طلب کرتےہوئےغفلت کے ذمے داروں کے خلاف سخت قانونی کارروائی کا حکم دے دیا اور کہا کہ شہری کی جان چلی گئی لیکن متعلقہ پولیس سوتی رہی۔
لاہورمیں پتنگ بازی نے ایک اور گھر اجاڑ دیا۔ اپنے18سالہ بیٹے کی موت پر نوحہ کناں خاندان کا کہنا ہے کہ وہ اپنے لختِ جگر کا خون کس کے ہاتھ پہ تلاش کریں؟ پولیس پتنگ بازی پر قابو کیوں نہیں پا سکی؟
پولیس کے مطابق مصری شاہ کا رہائشی18سالہ مبین اپنے کزن کے ساتھ موٹرسائیکل پر جا رہا تھاکہ پتنگ کی ڈور گردن پر چھری کی طرح پِھر گئی، مبین کو اسپتال پہنچایا گیا مگر وہ جاں بَر نہ ہو سکا۔
وزیر اعلیٰ پنجاب حمزہ شہباز نے سی سی پی او لاہور سے رپورٹ طلب کرتےہوئے غفلت کے ذمے داروں کے خلاف سخت قانونی کارروائی کا حکم دے دیا۔
انہوں نے کہاکہ ان کے پاس غمزدہ خاندان سے تعزیت کیلئے الفاظ نہیں۔
دوسری جانب پولیس نے مقدمہ درج کرکے پتنگ بازوں کی تلاش شروع کر دی ہے۔
