14 جون ، 2022 
پنجاب: بجٹ اجلاس کے حوالے سے اپوزیشن ارکان کی مختلف آراء سامنے آگئیں
14 جون ، 2022
پنجاب اسمبلی کے بجٹ اجلاس کے معاملے پر حکومت اور اپوزیشن کے درمیان ڈیڈلاک برقرار ہے، ساڑھے 6 گھنٹے سے زائد وقت گزر گیا لیکن بجٹ اجلاس شروع نہ ہو سکا۔
ذرائع کا کہنا ہے کہ بجٹ اجلاس کے حوالے سے اپوزیشن ارکان کی مختلف آراء سامنے آئی ہیں، میاں محمود الرشید اور بشارت راجہ بجٹ اجلاس چلانےکےحق میں ہیں جبکہ پی ٹی آئی کے اسلم اقبال، یاسمین راشد، سبطین خان مقدمات ختم کرانے کے معاملے پر ڈٹ گئے ہیں۔
ذرائع کا کہنا ہے کہ اپوزیشن ارکان نے آئی جی اور چیف سیکرٹری سے معافی منگوانے کا بھی مطالبہ کیا ہے۔
ذرائع کا کہنا ہے کہ اپوزیشن کی منقسم رائے بزنس ایڈوائزری کمیٹی میں معاملات کے حل میں رکاوٹ ہے، حکومتی اتحاد نے بجٹ اجلاس کیلئے مختلف آئینی و قانونی تجاویز پر بھی غور شروع کردیا ہے۔
