19 جون ، 2022 
پاکستان
سابق وزیراعلیٰ پنجاب پر 900 کنال سرکاری زمین کی الاٹمنٹ کے بارے میں جعلی لیٹر تیار کرانے کا الزام ہے، اینٹی کرپشن پنجاب— فوٹو: فائل
بزدار کیخلاف سرکاری زمین جعلسازی سے اپنے نام منتقل کروانے کے الزام میں مقدمہ درج
19 جون ، 2022
سابق وزیراعلیٰ پنجاب عثمان بزدار کے خلاف اینٹی کرپشن پنجاب میں مقدمہ درج کرلیا گیا۔
اینٹی کرپشن حکام کے مطابق ڈپٹی کمشنر ڈیرہ غازی خان کی انکوائری رپورٹ کی بنیاد پر مقدمہ درج کیا گیا۔
حکام کا کہنا ہے کہ مقدمے میں عثمان بزدار کے بھائیوں کو بھی نامزدکیا گیا ہے اور مقدمات میں سرکاری زمین جعلسازی سے اپنے نام منتقل کروانے کی دفعات شامل ہیں۔
اینٹی کرپشن حکام کے مطابق عثمان بزدارپر 900 کنال سرکاری زمین کی الاٹمنٹ کے بارے میں جعلی لیٹر تیار کرانے کا الزام ہے۔
