25 جون ، 2022 
پاکستان اور افغانستان کے درمیان رواں برس ون ڈے سیریز کے امکانات ختم
25 جون ، 2022
لاہور : پاکستان اور افغانستان کے درمیان تین ون ڈے میچز کی سیریز رواں برس ہونے کے امکانات ختم ہو گئے۔
ذرائع کا کہنا ہے کہ تین ون ڈے میچز کی میزبانی افغانستان کو کرنی ہے تاہم گرم موسم میں ونڈو دستیاب ہونے کے باوجود سیریز کو ممکن نہ بنایا جا سکا۔
ذرائع کے مطابق پاکستان کرکٹ ٹیم کی آئندہ برس اپریل تک مسلسل مصروفیت کے باعث سیریز ممکن نہیں، سیریز کیلئے نئی ونڈو تلاش کی جا رہی ہے۔
ذرائع کا کہنا ہے کہ پاکستان کرکٹ ٹیم نیوزی لینڈ میں تین ملکی ٹی ٹوئنٹی سیریز کھیلے گی، پاکستان ٹیم انگلینڈ کے خلاف ٹی ٹوئنٹی ہوم سیریز 2 اکتوبر کو ختم کرنے کے بعد نیوزی لینڈ جائے گی۔
پاکستان اور انگلینڈ کے درمیان سیریز 15 ستمبر سے 2 اکتوبر تک کھیلی جائے گی، نیوزی لینڈ میں تین ملکی ٹی ٹوئنٹی سیریز آسٹریلیا میں ہونے والے ٹی ٹوئنٹی ورلڈ کپ کی تیاریوں کا حصہ ہے۔
تین ملکی ٹی ٹوئنٹی سیریز میں نیوزی لینڈ ، پاکستان اور بنگلا دیش کی ٹیمیں شریک ہوں گی، سیریز کے انعقاد کیلئے تینوں بورڈز کے درمیان معاملات طے پا گئے ہیں۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
