30 جولائی ، 2022 
پاکستان
شاہین کمپلیکس چوک سے عام گاڑی گزرنے پر گرھا پڑا جس سے کوئی جانی نقصان نہیں ہوا: ٹریفک پولیس/ فوٹو جیونیوز
کراچی: شاہین کمپلیکس چوک پر سیوریج لائن بیٹھنے سے سڑک پر گڑھا پڑگیا
30 جولائی ، 2022
کراچی کے مصروف ترین مقام شاہین کمپلیکس چوک پر زیر زمین سیوریج لائن بیٹھ گئی جس سے آئی آئی چندریگروڈ پر گڑھا پڑ گیا۔
ٹریفک پولیس کے مطابق شاہین کمپلیکس چوک سے عام گاڑی گزرنے پر گرھا پڑا جس سے کوئی جانی نقصان نہیں ہوا۔
ٹریفک پولیس کا بتانا ہےکہ ضیاء الدین احمد روڈ کی طرف جانے والی 72 انچ قطر کی لائن بیٹھنے سے گڑھا پڑگیا جس کے بعد پولیس نےفوری طور پر رکاوٹیں لگا کر گڑھے کے مقام کو بند کردیا اور اہلکار تعینات کردیے۔
سڑک پر گڑھا پڑنے سے مصروف اوقات میں شاہین کمپلیکس پر ٹریفک کے مسائل پیدا ہونے کا خدشہ ہے۔
گزشتہ دنوں بارش کے بعد وزیراعلیٰ ہاؤس کے قریب بھی سڑک پر ایسی ہی صورتحال ہوئی جہاں سڑک پر گہرا گڑھا پڑ گیا تتھا۔
