انٹرٹینمنٹ
31 جولائی ، 2022

امیتابھ بچن کے کونسے مشورے کے بعد شاہ رخ اسٹار نہیں بننا چاہتے تھے؟

امیتابھ بچن اور شاہ رخ خان نے کئی فلمیں ایک ساتھ کیں جن میں محبتیں، کبھی خوشی کبھی غم، ویر زارا، کبھی الوداع نہ کہنا اور پہیلی شامل ہیں__فوٹو فائل
امیتابھ بچن اور شاہ رخ خان نے کئی فلمیں ایک ساتھ کیں جن میں محبتیں، کبھی خوشی کبھی غم، ویر زارا، کبھی الوداع نہ کہنا اور پہیلی شامل ہیں__فوٹو فائل

امیتابھ بچن اور شاہ رخ خان، بالی وڈ کے وہ دو بڑے نام ہیں جن کے بارے میں شاید ہی کوئی منفی بات کرتا ہو، دونوں اداکاروں نے انڈسٹری کو ان گنت یادگار فلمیں دیں۔

لیکن کیا آپ جانتے ہیں کہ ایک مرتبہ امیتابھ بچن نے شاہ رخ کو نصیحت کی تھی جس کے بعد شاہ رخ خان اس قدر خوفزدہ ہوگئے تھے کہ انہوں نے اسٹار بننے کا ارادہ ہی ترک کرنے کا سوچ لیا تھا۔

شاہ رخ خان نے اس بات کا تذکرہ 2017 میں دیے گئے ایک انٹرویو میں کیا، انہوں نے بتایا کہ ایک بار میں اور امیت جی ایک شو سے پہلے بیک اسٹیج پر بیٹھے گفتگو کر رہے تھے تو انہوں نے مجھے مخاطب کرتے ہوئے کہا کہ وہ بڑے اسٹار ہیں، وہ کچھ بھی کریں گے، ہمیشہ ہی غلط ہوں گے۔

انہوں نے شاہ رخ کو مشورہ دیا کہ وہ ہمیشہ عاجزی کا مظاہرہ کریں، کوئی بھی ردعمل نہ دیں، چاہے کوئی آپ کو مکا ہی کیوں نہ مار دے۔

شاہ رخ نے امیتابھ بچن سے ہوئی بات چیت کو آگے بڑھاتے ہوئے بتایا کہ انہوں نے کہا کہ اب جب آپ بڑے اسٹار بن گئے ہیں، پہلی چیز یہ ہے کہ جب کبھی غلطی ہوجائے تو ہاتھ جوڑ کر معافی مانگ لینا۔

شاہ رخ کے مطابق  اس وقت میں جوان تھا، میں نے امیت جی کو مخاطب کرکے استفسار کیا کہ اگر مجھ سے کوئی غلطی نہ ہو تو؟ اس پر لیجنڈ اداکار نے کہا کہ ’وہی تو کہہ رہا ہوں، معافی مانگ لینا، جہاں بھی جانا جھک کر بات کرنا‘۔

امیتابھ بچن نے مجھ سے سوال کیا کہ اگر کوئی تم سے بدتمیزی کرے، تمہیں مکا مارے، تم جواباً اُسے مکا مارو گے تو پتا ہے کیا ہوگا؟ میں نے کہا کیا ہوگا؟ اس پر انہوں نے کہا کہ ’کہا جائے گا کہ تم نشے میں تھے، پیسہ تمہارے سر چڑھ گیا ہے، تم کرپٹ اور غیر قانونی قسم کے آدمی ہو‘۔

شاہ رخ خان نے کہا کہ جب گفتگو کو سمجھا تو میں اسٹار بننے سے ڈر گیا، اگر واقعی یہ سب میرے ساتھ ہوجائے گا تو میں کیا کرسکوں گا؟ کچھ بھی نہیں کرسکوں گا؟ اور  پھر میں خاموش ہوکر بیٹھ گیا۔

خیال رہے کہ امیتابھ بچن اور شاہ رخ خان نے کئی فلمیں ایک ساتھ کیں جن میں محبتیں، کبھی خوشی کبھی غم، ویر زارا، کبھی الوداع نہ کہنا اور پہیلی شامل ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM