23 اگست ، 2022 
انگلش کرکٹر بین اسٹوکس کا بے چینی کی ادویات لینے کا انکشاف
23 اگست ، 2022
انگلینڈ کے ٹیسٹ کپتان بین اسٹوکس نے بے چینی کی ادویات استعمال کرنے کا انکشاف کیا ہے۔
آئندہ جمعہ کو ریلیز کی جانے والی ایک دستاویزی فلم میں بین اسٹوکس نے بتایا کہ میں 6 ماہ کی بریک سے واپسی کے بعد اب بھی صحت کی بحالی کے لیے بے چینی کی ادویات استعمال کر رہا ہوں۔
انہوں نے کہا میں نے کبھی نہیں سوچا تھا کہ مسائل کے سامنے کے لیے مجھے ادویات کا استعمال کرنا پڑے گا،مجھے یہ سب بتانے میں شرمندگی نہیں ہو رہی کیونکہ مجھے اس کی ضرورت ہے، اس حوالے سے اب بھی ڈاکٹر سے بات کرتا ہوں۔
انگلش کرکٹر نے کہا میں کھیل کی وجہ سے والد کے ساتھ وقت نہ گزار سکا، مجھے اپنے کھیل کے مطابق چلنا پڑا، میں نے جب بریک لی تو اس حوالے سے میں نے بہت سوچا، جانتا ہوں کہ لوگ دماغی صحت کے حوالے سے بات کرنے میں آرام دہ محسوس نہیں کرتے۔
انگلش کپتان کا کہنا تھا کہ لوگ اس حوالے سے میرے ساتھ تفصیلات میں نہیں جانا چاہتے،کچھ بات نہ کرنا آپ کی کمزوری ثابت کرتاہے لیکن میں جتنا ممکن ہو سکے خوشی سے بات کر سکتا ہوں۔
واضح رہے کہ بین اسٹوکس نے ذہنی صحت پر دھیان دینے کے لیےکرکٹ سے 6 ماہ کی بریک لی تھی، والد کی وفات کے بعد بین اسٹوکس کو دماغی صحت کے حوالے مسائل کا سامنا تھا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
