24 اگست ، 2022 
ٹرین کے آگے لیٹ کر خودکشی کرنے والے میڈیکل کے طالب علم کے پوسٹ مارٹم کا فیصلہ
24 اگست ، 2022
لاہورمیں ٹرین کے آگے لیٹ کر خودکشی کرنے والا ایم بی بی ایس کا طالب علم باپ کی وفات سے دلبرداشتہ تھا، پولیس کا کہنا ہے کہ لواحقین کے انکار کے باوجود پوسٹ مارٹم کروا کر خودکشی کے علاوہ دیگر پہلوؤں پر بھی تفتیش کی جائے گی۔
پولیس کی ابتدائی تحقیقات کے مطابق شور کوٹ جھنگ کا رہائشی 23 سالہ قاسم فاروق علامہ اقبال میڈیکل کالج میں ایم بی بی ایس فائنل ایئر کاطالب علم تھا، اس کے والد کا کچھ عرصہ پہلے انتقال ہوا تو وہ ڈپریشن میں چلا گیا، ایک دن کوٹ لکھپت ریلوے اسٹیشن پر آیا اور ٹرین کے آگ لیٹ گیا۔
پولیس کا کہنا ہے کہ متوفی کا بڑا بھائی ڈاکٹر بلال گنگا رام اسپتال میں تعینات ہے، اس نے پوسٹ مارٹم سے انکار کیا ہے لیکن پولیس نے شواہد اکٹھے کر کےلاش پوسٹ مارٹم کیلئے بھجوا دی ہے، پولیس کے مطابق خودکشی سمیت تمام پہلوؤں پر تفتیش کی جائے گی۔
