30 اگست ، 2022 
پاکستانی فاسٹ بولرز کو کھیلنا آسان نہیں تھا،رویندرا جڈیجا کا اعتراف
30 اگست ، 2022
بھارتی کرکٹ ٹیم کے آل راؤنڈر رویندرا جڈیجا کا کہنا ہے کہ انڈیا پاکستان میچ ہمیشہ ہائی پریشر ہوتا ہے۔
ایشیا کپ میں ہانگ کانگ کےخلاف میچ سے قبل پریس کانفرنس میں رویندرا جڈیجا نے کہا کہ پاکستان کے خلاف میچ کے بعد میٹنگ کرنے کی ضرورت نہیں پڑی،سبھی نے کامیابی میں حصہ ڈالا،پاکستان کے خلاف بیٹرز ،اسپنرز اور فاسٹ بولرز نے اچھا پرفارم کیا۔
ان کا کہنا تھا کہ پریشر میں جب پرفارم کریں تو آنے والے میچز کے لیے اعتماد میں اضافہ ہوتا ہے، ٹیم مینجمنٹ نے پاکستان کے اسپنرز کو دیکھ کر میرا بیٹنگ نمبر تبدیل کیا۔
بھارتی آل راؤنڈر نے کہا کہ پاکستان کے تینوں فاسٹ بولرز اچھے ہیں،انہوں نے اچھی جگہ پر گیندیں کیں،پاکستانی فاسٹ بولرز کو کھیلنا آسان نہیں تھا،نسیم شاہ تیز نوجوان بولر ہیں ،انہیں معلوم ہے کہ کہاں گیند کرنی ہے۔
اس کے علاوہ ان کا کہنا تھا کہ ہانگ کانگ کے خلاف پازیٹو کرکٹ کھیلیں گے۔
واضح رہے کہ بھارت نے اتوار کے روز پاکستان کو ایشیا کپ کے گروپ میچ میں سنسنی خیز مقابلے کے بعد 5 وکٹوں سے شکست دی۔
بھارت اپنا دوسرامیچ کل ہانگ کانگ کے خلاف کھیلے گا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
