01 ستمبر ، 2022 
اہلیہ نے پاکستان کیخلاف 'ہاتھ ہولا' رکھنے کا کیوں کہا ؟عمر گل نے وجہ بتادی
01 ستمبر ، 2022
افغانستان کرکٹ ٹیم کے بولنگ کوچ اور پاکستان کے سابق ٹیسٹ کرکٹر عمر گل نے اہلیہ کے پاکستان کے خلاف 'ہاتھ ہولا ' رکھنے کی وجہ بتا دی۔
ایشیا کپ میں دو میچز میں کامیابی حاصل کرنے کے بعد افغانستان کی ٹیم سپر فور مرحلے میں پہنچنے والی پہلی ٹیم بنی جس کے بعد عمر گل کی اہلیہ نے سوشل میڈیا پر مبارک باد دیتے ہوئے کہا کہ کوچ صاحب پاکستان کے خلاف زرا ہاتھ ہولا رکھنا۔
عمر گل نے بتایا کہ اہلیہ نے مذاق میں سوشل میڈیا پر پاکستان کے خلاف ہاتھ ہولا رکھنے کا کہا ،سوشل میڈیا پر وہ خاصا چل پڑا کیونکہ اس میں مجھے بھی ٹیگ کیا گیا تھا۔
انہوں نے کہا کہ اب میں افغانستان ٹیم کا کوچ ہوں اور پروفیشنل ہوں پاکستان ٹیم کے لیے میرے جذبات ہیں کیونکہ پاکستان ٹیم سے کھیلتا رہا ہوں لیکن جس طرح دوسرے ٹیموں کے لیے پلان بناتے ہیں اسی طرح پاکستان کے خلاف پلان کریں گے۔
عمر گل نے کہا کہ پاکستان ٹیم بھی اچھی ہے اور اس کا کوچنگ اسٹاف بھی اچھا ہے، افغانستان کو ٹاپ ٹیم پاکستان کے خلاف کھیلنے کا فائدہ ہو گا ،کھلاڑی سیکھیں گے۔
عمر گل نے بتایا کہ کوچنگ کو خوب انجوائے کر رہا ہوں، میرا شروع سے کوچنگ کی طرف رجحان تھا، میں جب کھیلتا تھا ساتھی کھلاڑیوں کو اپنے تجربے سے آگاہ کرتا تھا کیونکہ کرکٹ میرا شوق ہے ، میں اب کوچنگ کے ذریعے کرکٹ سے جڑا رہنا چاہتا ہوں، کوئٹہ گلیڈی ایٹرز سے منسلک ہونے کا بھی فائدہ ہوا،مینجمنٹ نے بہت مدد کی۔
واضح رہے کہ پاکستان اگر کل ایشیا کپ میں ہانگ کانگ کو شکست دے دیتا ہے تو وہ سپر فور مرحلے کیلئے کوالیفائی کرلے گا جہاں اس کا مقابلہ افغانستان سے بھی ہوگا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
