10 ستمبر ، 2022 
'کپتان میں ہوں' میچ کے دوران رضوان کے ریویو لینے پر بابر کی امپائر کو یاد دہانی
10 ستمبر ، 2022
ایشیا کپ کے سپر فور مرحلے کے میچ میں سری لنکا کے خلاف پاکستانی کھلاڑیوں کی جانب سے ریویو لینے پر کپتان بابر اعظم کو یاد دہانی کروانا پڑی کہ کپتان میں ہوں۔
آئی سی سی قوانین کے مطابق کھلاڑیوں کی جانب سے آؤٹ کی اپیل پر اگر امپائر آؤٹ نہ دے تو کپتان کو ریویو لینے کا اختیار ہے۔
گزشتہ شب پاکستان اور سری لنکا کے درمیان کھیلے گئے میچ کی ایک دلچسپ ویڈیو سوشل میڈیا پر زیر گردش ہے جس میں کپتان بابر اعظم ریویو پر نظر انداز کیے جانے پر فیلڈ امپائر اور کھلاڑیوں کو یاد دلا رہے ہیں کہ ٹیم کا کپتان میں ہوں۔
ہوا کچھ یوں کہ پاکستان کی فیلڈنگ کے دوران 16ویں اوور میں حسن علی کی گیند پر کیچ کی اپیل کی گئی اور کھلاڑیوں سمیت وکٹ کیپر محمد رضوان نے جلدی سے ریویو کا اشارہ کر دیا۔
فیلڈ امپائر انیل چوہدری نے بھی بابراعظم سے پوچھنے یا قومی کپتان کی جانب سے آنے والے کسی ردِ عمل سے قبل ہی تھرڈ امپائر سے ریویو کا کہہ ڈالا۔
یہ دیکھتے ہوئے بابر نے حیرانی سے اپنے جذبات پر قابو پاتے ہوئے انہیں 2 بار کہا کہ ’میں کپتان ہوں‘، اس واقعے کے دوران بابر کے چہرے پر ہلکی سی مسکراہٹ بھی تھی جب کہ رضوان بھی ہنس رہے تھے۔
بعد ازاں بابر اعظم خود چل کر امپائر کے پاس پہنچے اور انہیں ریویو لینے کا اشارہ کیا لیکن قومی ٹیم کا ریویو ضائع ہو گیا۔
میچ کے دوران اس ہلکے پھلکے مزاحیہ لمحے پر میمز بھی بننے لگیں جس میں بابر اعظم کو ہنسی مذاق میں ایک مظلوم کپتان کے طور پر پیش کیا جا رہا ہے۔
مزید خبریں :
رونالڈو نے ریٹائرمنٹ سے متعلق اپنے منصوبے کا اعلان کر دیا
18 نومبر ، 2024
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
