تصاویر: کورولش عثمان کی مالہون خاتون نے معروف اداکار سے شادی کرلی

عالمی شہرت یافتہ ترک سیریز کورولش عثمان میں مالہون خاتون کا مرکزی کردار نبھانے والی دلکش ترک اداکارہ 'یلدیز جاگری اتکسوائے' رشتہ ازدواج میں منسلک ہوگئیں۔

اداکارہ یلدیز کی شادی معروف ترکش اداکار 'برک اوکتے' سے ہوئی جنہوں نے ڈرامہ سیریل 'عائشہ گُل' میں جان ٹیکن کا کردار نبھایا تھا، عائشہ گل پاکستانی چینل پر نشر کیا گیا تھا جس نے پاکستان میں خاصی مقبولیت حاصل کی تھی۔

تصاویر: ارطغرل کے ترگت نے شادی کرلی

تصاویر میں دیکھا جاسکتا ہے کہ اداکار کے ہمراہ ان کی دلہن روایتی سفید میکسی پہنے ہوئے ہیں۔

یلدیز جاگری اور برک اوکتے کی منگنی کچھ ماہ قبل ہوئی تھی جب کہ دونوں کئی عرصے سے ایک دوسرے کے گہرے دوست تھے۔

دونوں اداکاروں نے اپنے انسٹاگرام پر شادی کی تصاویر شیئر کی ہیں، شادی میں کورولش عثمان کے بھی کچھ اداکاروں نے شرکت کی جس میں بالا خاتون (اوزگے توریر) اور شیخ ایدابالی (سیدا یلدیز) سمیت دیگر شامل ہیں۔

خیال رہے کہ یلدیز جاگری نے کورولش عثمان میں عثمان کی دوسری اہلیہ کا کردار نبھایا تھا۔

تصاویر دیکھیں: