16 ستمبر ، 2022 
پاکستان
بی آر ٹی ایس گرین لائن کا آپریشن ہفتہ 17 ستمبر 2022 کو سرجانی ٹاؤن سے نمائش چورنگی اور نمائش چورنگی سے سرجانی ٹاؤن تک مکمل طور پر بند رہے گا— فوٹو: فائل
چہلم حضرت امام حسینؓ : ہفتے کو گرین لائن بند اورنج لائن چلتی رہے گی
16 ستمبر ، 2022
چہلم حضرت امام حسینؓ کے موقع پر ہفتہ 17 ستمبر کو گرین لائن بس سروس مکمل بند رہے گی جبکہ اورنج لائن کا آپریشن معمول کے مطابق چلتا رہے گا۔
ترجمان کے مطابق بی آر ٹی ایس گرین لائن کا آپریشن ہفتہ 17 ستمبر 2022 کو سرجانی ٹاؤن سے نمائش چورنگی اور نمائش چورنگی سے سرجانی ٹاؤن تک مکمل طور پر بند رہے گا۔
ترجمان کے مطابق بی آر ٹی ایس اورنج لائن بس سروس اورنگی ٹاؤن سے ناظم آباد بورڈ آفس چورنگی تک اپنے مقررہ روٹ پر چلتی رہے گی۔
علاوہ ازیں پیپلز بس سروس بھی 17 ستمبر کو معطل رہے گی، 17ستمبر کو ماڈل کالونی سے ٹاور، نمائش سے سی ویو سروس بند ہوگی، ضیاءالدین اسپتال شیریں جناح کالونی تا لیاری بھی سروس بند ہوگی۔
