29 اپریل ، 2025 
پاکستان
فوٹو: فائل
اسلام آباد: اربوں روپےکی جعلی الاٹمنٹس میں ملوث سی ڈی اے کے 5 افسرگرفتار
29 اپریل ، 2025
ایف آئی اے اینٹی کرپشن سرکل اسلام آباد نے کارروائی کرتے ہوئے بدعنوانی میں ملوث سی ڈی اے کے 5 افسران کو گرفتار کرلیا۔
ایف آئی اے کے مطابق گرفتار سی ڈی اے افسران اربوں روپے کی جعلی الاٹمنٹس میں ملوث ہیں۔ ملزمان سی ڈی اے میں اسسٹنٹ ڈائریکٹر اور ڈپٹی ڈائریکٹر کے عہدوں پر تھے۔ ملزمان کو ضمانت قبل ازگرفتاری منسوخ ہونے پرگرفتار کیا گیا۔
ایف آئی اے کے مطابق ملزمان نے مجموعی طور پر 43 پلاٹ غیرقانونی طورپر الاٹ کیے۔
ایف آئی اے کا کہنا ہے کہ غیرقانونی الاٹمنٹس سے قومی خزانے کو تقریباً ایک ارب روپےکا نقصان پہنچا۔
