25 ستمبر ، 2022 
پاکستان
کراچی کے علاقے عوامی مرکز کے قریب موٹرسائیکل سواروں کی فائرنگ سے ایک شخص جاں بحق ہو گیا — فوٹو: فائل
کراچی میں فائرنگ کے مختلف واقعات میں ایک شخص جاں بحق، ٹریفک اہلکار سمیت 2 زخمی
25 ستمبر ، 2022
کراچی میں مختلف مقامات پر ہونے والے فائرنگ کے واقعات میں ایک شخص جاں بحق جبکہ ایک ٹریفک پولیس اہلکار سمیت دو افراد زخمی ہو گئے۔
کراچی کے علاقے عوامی مرکز کے قریب موٹرسائیکل سواروں کی فائرنگ سے ایک شخص جاں بحق ہو گیا، کارمیں موجود مقتول کا ساتھی بھی واقعہ کے بعد موقع سے فرار ہو گیا۔
کشمیر روڈ پرڈکیتی مزاحمت کے دوران فائرنگ سے ایک شخص زخمی ہوا ہے جبکہ ویسٹ ہارف جناح برج کے قریب فائرنگ کر کے ٹریفک پولیس اہلکارکو زخمی کر دیاگیا۔
دوسری طرف کراچی کے علاقے بفر زون میں شہری سے لوٹ مار کی کوشش کے دوران ڈاکو شہریوں کے ہاتھ چھڑھ گئے، اہل علاقہ کے تشدد سے ایک ڈاکو ہلاک، دوسرا زخمی ہوگیا۔
