02 اکتوبر ، 2022 
پاکستان
فوٹو: فائل
جرمنی کے نئے قونصل جنرل کراچی کے مداح نکلے
02 اکتوبر ، 2022
کراچی کے لیے تعینات جرمنی کے نئے قونصل جنرل نے ذمہ داریاں سنبھال لی ہیں۔
نئے سفارت کار ڈاکٹر روڈیگر لوٹز شہر قائد کے مداح نکلے، قونصل جنرل کراچی کا عہدہ سنبھالنے کے بعد ڈاکٹر روڈیگر لوٹز نے ایک ویڈیو بیان میں کہا کہ انہیں کراچی آکر بہت خوشی ہوئی ہے، کراچی پاکستان کا معاشی حب ہی نہیں بلکہ ثقافتی زندگی سے بھرپور شہر ہے۔
جرمن قونصل جنرل کا کہنا ہےکہ وہ پاکستان اور جرمنی کے درمیان گہرے تعلقات کے خواہاں ہیں، دونوں مملک کے درمیان ثقافتی اور معاشی تعلقات مزید مضبوط ہوں گے۔
ان کا مزید کہنا تھا کہ 'میں سمجھتا ہوں کہ دونوں ممالک کے درمیان تعلقات بھروسے اور اعتماد کی علامت ہیں'۔
