05 اکتوبر ، 2022 
پاکستان
رینجرز اہلکار ملیر میں چیکنگ کر رہے تھے کہ موٹر سائیکل پر سوار دو نوجوانوں کو اہلکاروں نے رکنے کا اشارہ کیا جو رکنے کی بجائے فرار ہوگئے/ فائل فوٹو
ملیر میں نامعلوم افراد کی فائرنگ سے 2 رینجرز اہلکار زخمی
05 اکتوبر ، 2022
کراچی: ملیر میں نامعلوم افراد کی فائرنگ سے دو رینجرز اہلکار زخمی ہوگئے۔
ایس ایس پی ملیر عرفان بہادر کے مطابق رینجرز اہلکار ملیر میں چیکنگ کر رہے تھے کہ موٹر سائیکل پر سوار دو نوجوانوں کو اہلکاروں نے رکنے کا اشارہ کیا جو رکنے کی بجائے فرار ہوگئے۔
ایس ایس پی نے بتایا کہ موٹر سائیکل پر سوار رینجرز کے اہلکاروں نے ان کا تعاقب کیا تو ملزمان نے فائرنگ کردی جس کے جواب میں رینجرز اہلکاروں نے بھی فائرنگ کی تاہم ملزمان کی فائرنگ سے رینجرز کے دونوں اہلکار زخمی ہوگئے۔
