کابل: وزارت داخلہ کی عمارت کےقریب مسجد میں دھماکا،4 افراد جاں بحق، متعدد زخمی
05 اکتوبر ، 2022
افغان دارالحکومت کابل میں وزارت داخلہ کی عمارت کےقریب دھماکا ہوا ہے جس میں 4 افراد جاں بحق اور 25 سے زائدکے زخمی ہونے کی اطلاعات ہیں۔
افغان حکام کے مطابق دھماکا مسجد میں ہوا، مزید تحقیقات کی جا رہی ہیں، حکام کی جانب سے جاں بحق افراد اور زخمیوں کی تعداد نہیں بتائی گئی۔
عرب میڈیا کے مطابق مسجد میں ہونے والے دھماکے میں 4 افراد جاں بحق اور 25 سے زائدکے زخمی ہونےکی اطلاعات ہیں۔
افغان وزارت داخلہ کے ترجمان کا کہنا ہے کہ مسجد میں عام نمازیوں سمیت وزارت داخلہ کے اہلکار نماز ادا کرتے ہیں۔
