ملک بھر کے میڈیکل کالجز کیلئے داخلہ ٹیسٹ کی تاریخ کا اعلان

اسلام آباد: ملک بھر میں نجی اور سرکاری میڈیکل کالجز میں داخلوں کے لیے  ایم ڈی کیٹ ٹیسٹ کی تاریخ کا اعلان ہوگیا۔

پاکستان میڈیکل کمیشن (پی ایم سی) کی جانب سے جاری اعلامیے کے مطابق ملک بھرمیں ایم ڈی کیٹ  ٹیسٹ 13 نومبرکو ہوگا، ایم ڈی کیٹ کا امتحان چاروں صوبوں اور اسلام آباد میں پبلک سیکٹر یونیورسٹیز میں ہوگا۔

سینیٹ نے پاکستان میڈیکل اینڈ ڈینٹل کونسل کی تشکیل نوکا بل منظورکرلیا

بل کے مطابق کونسل کی منظور کردہ تاریخوں پر داخلے کے لیے میڈیکل اینڈ ڈیٹنل کالج ٹیسٹ ایم ڈی کیٹ ہوگا، ٹیسٹ پاس نہ کرنے پر میڈیکل یا ڈینٹل کالج کی ڈگری نہیں دی جائےگی

اعلامیے کے مطابق ایم ڈی کیٹ ٹیسٹ بولان یونیورسٹی آف میڈیکل اینڈ ہیلتھ سائنسز بلوچستان ، یونیورسٹی آف ہیلتھ سروسز پنجاب، خیبرمیڈیکل یونیورسٹی خیبرپختونخوا، ڈاؤ یونیورسٹی آف ہیلتھ سائنسز سندھ اور شہید ذوالفقارعلی بھٹو میڈیکل یونیورسٹی اسلام آباد میں بھی ہوگا۔

پی ایم سی کا کہنا ہےکہ ایم بی بی ایس میں داخلےکے لیے ایم ڈی کیٹ امتحان پاس کرنے کی شرح 55 اور  بی ڈی ایس کے لیے 45فیصد ہے۔

صدر پی ایم سی ڈاکٹر نوشاد شیخ کا کہنا ہےکہ ایم ڈی کیٹ ٹیسٹ کے لیےکراچی، لاہور، اسلام آباد، کوئٹہ اور پشاور میں ٹیسٹ مراکز  بنائے جائیں گے، بیرون ملک مقیم پاکستانی طلبہ دبئی یا سعودی عرب میں داخلہ ٹیسٹ دے سکتے ہیں، بیرون ملک مقیم طلبہ پاکستان کے کسی  بھی سینٹر پر بھی ٹیسٹ دینے کے بھی اہل ہوں گے۔

ڈاکٹر نوشاد کے مطابق رجسٹریشن کے لیے پی ایم سی کا پورٹل 10 اکتوبر تک کھلا رہےگا، ملک بھر میں 20 ہزار نشستوں کے لیے ڈھائی لاکھ طلبہ ٹیسٹ دیں گے۔