12 اکتوبر ، 2022 
لاہور سے طالبہ اور نواں کوٹ سے اسکول ٹیچر کے اغوا کا ڈراپ سین ہو گیا
12 اکتوبر ، 2022
لاہور کے جنرل اسپتال سے 22 سالہ طالبہ عائشہ کے اچانک غائب ہونے اور نواں کوٹ سے اسکول ٹیچر کے اغوا کا ڈراپ سین ہو گیا۔
پولیس کے مطابق عائشہ دماغ کی بیماری کی ادویات کھاتی ہے وہ ایدھی سینٹر پہنچ گئی تھی جبکہ اسکول ٹیچر بھی گوجرانوالہ سے بازیاب ہو گئی۔
پولیس کے مطابق 2 ریسکیو اہلکار طالبہ عائشہ کو جنرل اسپتال چھوڑ کر گئے، سی سی ٹی وی کی فوٹیج میں بھی عاشہ کو اسٹریچر پر لیٹے ریسکیو اہلکاروں کو اسے اسپتال لاتے دیکھا جا سکتا ہے تاہم دو گھنٹے بعد طالبہ اسپتال سے باہر چلی گئی ڈاکٹرز کے مطابق عائشہ ہوش میں تھی تاہم کچھ گھنٹوں بعد عائشہ ایدھی سینٹر سے مل گئی جہاں اسے اس کے بھائی سے ملوا دیا گیا۔
نواں کوٹ سے اغوا 28 سالہ سکول ٹیچر کے اغوا کا ڈراپ سین بھی ہو گیا، پولیس کے مطابق خاتون نے راحیل نامی لڑکے سے نکاح کر لیا تھا، خاتون ٹیچر کے نمبر سے 5 لاکھ تاوان کیلئے گھر والوں کومیسج آیا لیکن بعد میں نمبر بند کردیا گیا، سم کی لوکیشن ٹریس کی گئی جو گوجرانوالا کی تھی جہاں دونوں میاں بیوی کو حراست میں لے کر عدالت پیش کیا جائے گا۔
