12 اکتوبر ، 2022 
کراچی کے تھانے بھی غیر محفوظ، 2 کروڑ سے زائد رقم چوری ہو گئی
12 اکتوبر ، 2022
کراچی کے تھانے بھی محفوظ نہیں رہے اور پولیس اسٹیشن کے مال خانے سے 2 کروڑ روپے سے زائد رقم چوری ہو گئی۔
آرٹلری میدان تھانے کے مال خانے میں کیس پراپرٹی کے 2 کروڑ 7 لاکھ 75 ہزار رکھے ہوئے تھے، پولیس نے فروری میں ہوئی واردات کے 6 ملزمان کو گرفتار کرکے رقم برآمد کی تھی۔
2 فروری کو کراچی میں داؤد پوتہ روڈ پر سنار سے ڈکیتی میں ساڑھے 3 کروڑ لوٹے گئے تھے، رقم برآمدگی کے بعد 4 ماہ سے آرٹلری میدان تھانے کے مال خانے میں رکھی ہوئی تھی اور دو روز پہلے مال خانے سے رقم غائب ہونے کا انکشاف ہوا۔
پولیس حکام کا اس حوالے سے کہنا ہے کہی 2 کروڑ سے زائد کی رقم تھانے سے کیسے چوری ہوئی اس کی تفتیش شروع کر دی ہے۔
ایس ایس پی ساؤتھ اسد رضا کا کہنا ہے کہ تھانے کے ہیڈ محرر عبداللّہ، تفتیشی افسر محمود اور ڈیوٹی گارڈ سے پوچھ گچھ کررہے ہیں، تینوں اہلکاروں کے خلاف مجرمانہ غفلت کا مقدمہ درج کیا جا رہا ہے۔
