عمر سرفراز چیمہ کو مشیر داخلہ پنجاب بنانے کا فیصلہ

لاہور: سابق گورنر پنجاب عمر سرفراز چیمہ کو پنجاب کا مشیر داخلہ بنانے کا فیصلہ کیا گیا ہے۔

چیئرمین پی ٹی آئی عمران خان نے پنجاب کی وزارت داخلہ کے لیے سابق گورنر پنجاب عمر سرفراز چیمہ کے نام کی منظوری دی ہے۔

ذرائع کاکہنا ہےکہ عمر سرفراز چیمہ کو وزیراعلیٰ کا مشیر برائے داخلہ لگایا جائے گا۔

صوبائی وزیر  داخلہ ہاشم ڈوگر کے مستعفی ہونے کے بعد  پنجاب میں وزارت داخلہ کا منصب خالی تھا۔

سینئر صحافی حامد میر کے مطابق عمران خان ہاشم ڈوگر سے خوش  نہیں تھے اس لیےانہوں نے خود ہاشم ڈوگر سے استعفیٰ لیا تاہم ہاشم ڈوگر نے استعفے کی وجہ ذاتی وجوہات بتائی ہے۔

وزیر داخلہ پنجاب ہاشم ڈوگر نے وزارت سے استعفیٰ دے دیا

بطور وزیر داخلہ پنجاب کام جاری نہیں رکھنا چاہتا، چند ناگزیر اور ذاتی وجوہات کی بنا پر مستعفی ہورہا ہوں: ہاشم ڈوگر

عمران خان ہاشم ڈوگر سے خوش نہیں تھے، خود استعفیٰ لیا: حامد میر

عمران خان میرے لیڈر ہیں اور ہمیشہ رہیں گے، چیئرمین عمران خان نے کسی بات کا حکم نہیں دیا: ہاشم ڈوگر