29 اکتوبر ، 2022 
پاکستان
لانگ مارچ کے شرکا کو فول پروف سکیورٹی فراہم کی جائے گی: پرویز الہٰی
29 اکتوبر ، 2022
وزیراعلی پنجاب چوہدری پرویز الہٰی کا کہنا ہے کہ شرکا کو فول پروف سکیورٹی فراہم کی جائے گی، صوبے میں امن عامہ کی صورت حال کی ذاتی طور پر نگرانی کر رہا ہوں۔
وزیراعلیٰ پرویز الہٰی کی زیر صدارت اجلاس میں لانگ مارچ کے سکیورٹی انتظامات اور روٹ پر پولیس فورس کی تعیناتی کا جائزہ لیا گیا۔
اس موقع پر وزیراعلیٰ پنجاب کا کہنا تھا کہ لانگ مارچ کیلئے جامع سکیورٹی پلان تیار کیا ہے، شرپسند عناصر کے مذموم عزائم ناکام بنانے کیلئے پوری فورس الرٹ ہے، عمران خان نے کہا ہے کہ لانگ مارچ کے شرکا پرامن رہیں گے۔
انہوں نے کہا کہ متعلقہ ادارے کوآرڈینیشن کے ساتھ امن وامان کی صورت حال کو یقینی بنائیں، ٹریفک کیلئے متبادل انتظامات کیے جائیں۔
