12 نومبر ، 2022 
پاکستان
فوٹو: فائل
عمران خان لنگڑا مارچ سے انتخابات نہیں مرضی کا آرمی چیف چاہتے ہیں: ترجمان پی ڈی ایم
12 نومبر ، 2022
پاکستان ڈیموکریٹک موومنٹ (پی ڈی ایم) کے ترجمان حافظ حمداللہ کا کہنا ہےکہ عمران خان لنگڑا مارچ سے انتخابات نہیں مرضی کا آرمی چیف چاہتے ہیں۔
ایک بیان میں حافظ حمداللہ نےکہا کہ عمران خان جتنا چیخیں چلائیں ،سر پیٹیں، ہوگا وہی جو آئین کہہ رہا ہے۔
حافظ حمداللہ کا کہنا تھا کہ شہبازشریف کو اپنے لیڈر سے مشورہ کرنے کاحق ہے، واپسی پر اتحادیوں کو اعتماد میں لےکر فیصلہ وزیراعظم کا ہوگا۔
ترجمان پی ڈی ایم کا کہنا تھا کہ جس جنرل باجوہ کو عمران خان نے توسیع دی اور تاحیات توسیع دینا چاہتے تھے وہ نواز شریف کے نامزدکردہ آرمی چیف تھے۔
ان کا کہنا تھا کہ ثابت شدہ چور جھوٹے بددیانت اور آئین شکن سے آئینی معاملات میں مشورہ نہیں بلکہ اسے سزا دی جاتی ہے۔
