25 نومبر ، 2022 
آرمی کی تمیم خان پاکستان کی تیز ترین خاتون ایتھلیٹ بن گئیں
25 نومبر ، 2022
پاکستان آرمی کی تمیم خان ملک کی تیز ترین خاتون ایتھلیٹ بن گئیں جبکہ شجر عباس ایک بار پھر پاکستان کے تیز ترین ایتھلیٹ قرار پائے۔
پچاسویں نیشنل ایتھلیٹکس چیمپئن شپ کا لاہور کے پنجاب اسٹیڈیم میں آغاز ہوگیا ہے ، پہلے روز مردوں کی سو میٹر ریس میں ہائیر ایجوکیشن کمیشن کے شجر عباس نے 10.43 سیکنڈز کے وقت کے ساتھ کامیابی حاصل کر کے پاکستان کے تیز ترین مرد ایتھلیٹ ہونے کا اعزاز مسلسل دوسرے سال بھی حاصل کرلیا۔
شجر عباس رواں برس برمنگھم میں ہونےوالے کامن ویلتھ گیمز کی 200 میٹر ریس کے فائنل میں پاکستان کی نمائندگی کرچکے ہیں۔
خواتین کی سو میٹر ریس میں پاکستان آرمی کی تمیم خان 11.86 سیکنڈز میں کامیابی حاصل کر کے ملک کی تیز ترین خاتون ایتھلیٹ بن گئیں ، واپڈا کی ملہان امتیاز نے دوسری اور آرمی کی مریم نے تیسری پوزیشن حاصل کی۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
