05 دسمبر ، 2012 
آسٹریلیا میں موسم کے انوکھے ڈھنگ، کہیں برفباری تو کہیں گرمی
05 دسمبر ، 2012
سڈنی…آسڑیلیا کے کئی علاقوں میں برفباری تو کہیں گرمی کا زور ہے جبکہ عوام دونوں ہی سے بیزار نظر آتے ہیں۔ دوسری طرف سڈنی کے قریب جنگل میں لگی آگ پر بھی قابو نہ پایا جاسکا۔ سڈنی کے شمال میں لین کوو نیشنل پارک کے جنگلات میں لگی آگ قریبی مکانات کے لیے خطرہ بن گئی، آگ پر قابو پانے کے لیے فائر فائٹرز کوششوں میں مصروف ہیں۔ ذرائع کے مطابق آگ کا دھواں سڈنی کی موٹر ویز کے قریب پہنچ گیا جس کی وجہ سے ٹریفک کی روانی متاثر ہورہی ہے۔ رورل فائر سروس کے ترجمان کے مطابق آگ جان بوجھ کر لگائی گئی۔ آسٹریلیا میں گرمی کا موسم شروع ہوچکا ہے لیکن جنوبی ریاست وکٹوریا میں موسم گرما کے پانچویں دن بھی برفباری جاری ہے۔ آج تقریباً چھ انچ برفباری ہوچکی جبکہ کوئی اسکیٹنگ کرکے برفباری کو انجوائے کرتا نظر آیا تو کہیں برف ہٹانے کا کام پورے زور و شور سے جاری ہے۔
مزید خبریں :
