27 نومبر ، 2022
قطر میں جاری فٹبال ورلڈکپ میں مراکش نے بیلجیئم کو اپ سیٹ شکست دے دی۔
گروپ میچ میں مراکش نے بیلجیئم کو 0-2 سے شکست دی، بیلجیئم فیفا کی عالمی رینکنگ میں دوسرے جبکہ مراکش 22 ویں نمبر پر ہے۔
عالمی نمبر دو بیلجیئم کو شکست دینے پر مراکش کے کھلاڑی گراؤنڈ میں سجدہ ریز ہوگئے تاہم مراکش کے ڈیفنڈر اشرف حکیمی نے منفرد انداز میں جشن منایا۔
اشرف حکیمی تماشائیوں کے اسٹینڈ میں موجود والدہ کے پاس گئے، اپنی شرٹ اتار کر انہیں دی اور گلے لگاکر ماتھا چوم لیا۔
والدہ نے بیٹے کا بوسہ لیا اور شاباش دی۔